Kaluguran kung kapatad at kalupang bininyagan, babie ku kekayu ing mayap a oras. Panalangin ku na atiyu kayu king payapang kabilyan at ding pusu yu mitmu lang tula at kapanayan.
Kabang milalapit ing maulagang kapagmasusian king Pasku, bustan yung agkatan da kayung migunam king kabaldugan na niti. Ing Pasku e ya mu metung a selebrasyun. Ing Pasku, migit king sabla, yapin ing Anak ning Diyos a mibait at meging taung kalupa tamu. At kapamilatan na niti linigtas na katamu king kasalanan at menatili yang mabie kayabe tamu.
Kabang susundu ta lang sasadia ding sarili at pamilya tamu para pagmasusian ing Mayap a Balita na atiu kekatamu ing Ginung Jesus, mika-panaun tamu sanang manahimik at makiramdam Kaya at king aduan na kekatamu. Busal da ring kekatamung gagawan, manatili la sanang makabuklat ding pusu tamu at pami-isip king panga-atiu Na at presensiya king bie tamu.
Kapamilatan ning kekatang ganaka at pamamie ulaga karing kalupa tang tau, lalung-lalu na ring pakakalulu, abe-abe tamu sanang mamie patutu king lugud at pakalulu Na a alang patugut nang pagkalub king yatu.
Tanggapan yu pu ing bendisyun na ning Dios: Ibpa, Anak, at Espiritu Santo.
Mangatmu tamu ngan pu sana king presensiya at pamanatili nang Kristo karing pusu tamu. Merry Christmas pu kekayu ngan!