The Archdiocese of San Fernando announces the presbyterial ordination of three deacons to be ordained to the priesthood on June 2023.
- REV. OMAR NIÑO VITUG DEFENSOR
Date: 06 June 2023 (Tuesday 9:00 AM)
Place: Saint Joseph, the Worker Parish, Poblacion, Floridablanca, Pampanga
- REV. ARJON MAGAT DELA CRUZ
Date: 08 June 2023 (Thursday 9:00 AM)
Place: San Vicente Ferrer Parish, Calulut, City of San Fernando, Pampanga
- REV. KRISTIAN REI DE DIOS CAYANAN
Date: 12 June 2023 (Monday 3:30 PM)
Place: San Guillermo Parish, Cabambangan (Poblacion), Bacolor, Pampanga
Please see their banns below:
REV. OMAR NIÑO VITUG DEFENSOR
I Reberendo Omar Niňo Vitug Defensor ibat ya king St. Joseph the Worker Parish, Poblacion, Floridablanca, Pampanga. Anak de ri Mr. Joselito Vicente Defensor at Mrs. Analisa Gutierrez Vitug. Mibait ya inyang Disyember 16, 1994. Manuknangan ya king Purok 4, San Antonio Floridablanca, Pampanga. Bininyag neng Reb. Pd. Ruben C. Lenon iniang Enero 8, 1995 king St. Joseph the Worker Parish, Floridablanca, Pampanga. Aniang Pebrero 14, 2003, tinggap na ne man ing Sakramento ning Kumpil king Lubus Kagalang- galang Paciano B. Aniceto, D.D. king mesabi mu namang Parokya.
Megaral yang elementarya king St. Augustine Academy of Pampanga, Poblacion, Floridablanca, Pampanga (2001-2007) at sekundarya king St. Augustine Academy of Pampanga, Poblacion, Floridablanca, Pampanga (2007-2011). Kayari nang megaral sekundarya, linub ya king Mother of Good Counsel Seminary, Unisite Subdivision, Del Pilar, City of San Fernando, Pampanga anting Junior king Pre- College Formation Year angga nang mayari ya king College Formation at Bachelor of Arts in Philosophy kanitang 2016.
Kaibat ning kayang college formation menyawad yang regency. Kilub ning aduang (2) banua, megobra ya anti mong writer/researcher king Bridges of Benevolent Initiatives Foundation, Inc., metung a pribadong institusyun kilub ning Clark Freeport Zone (2016-2018). Kayagnan na niti, megobra ya anting part-time a talaturu king Lyndale Academy king Unisite Subd., City of San Fernando, Pampanga at king Sta. Rita College, Sta. Rita, Guagua, Pampanga (Junio- Oktubre 2016).
Banuang 2018, migdesisyun yang magbalik king Mother of Good Counsel Seminary ban isundu ing kayang pangayubug king Graduate School of Theology ning mesabing seminaryu nung nukarin ayari ne ing keyang Theology formation, Master of Arts in Pastoral Ministry (MPM) kanitang 2021 at ing keyang Master of Arts in Theology (MAT) kanitang 2022.
Kayari ning pamagaral na king seminaryu, megdatun at minantabe ya kaku (Arsobispu) karin king Arzobizpado de Pampanga (Chancery) at inordinan keng Diyakono king Mother of Good Counsel Seminary Unisite Subd., Del Pilar, City of San Fernando, Pampanga iniang Disyembre 01, 2022. Magumpisa iniang Disyembre 09, 2022 angga na king kasalukuyan makadistinu ya anting diyakono king St. Michael the Archangel Parish, San Nicholas, Masantol, Pampanga.
King daratang a Junio 6, 2023, Martes, alas nueve ning abak (9:00 A.M.), mi-ordinan yang Pari king St. Joseph the Worker Parish, Poblacion, Floridablanca, Pampanga.
REV. ARJON MAGAT DELA CRUZ
I Reberendo Arjon Magat Dela Cruz ibat ya king Parokya ng San Vicente Ferrer, Calulut, Siyudad San Fernando, Pampanga. Anak de ri Mr. Ariel Quiambao Dela Cruz at Mrs. Josie Villegas Magat. Mibait ya inyang February 19, 1991 king San Jose, San Fernando, Pampanga. Manuknangan ya king Block 4 Alt 3 Lot 18 Northville 14, Calulut City of San Fernando, Pampanga. Bininyag neng Rev. Fr. Marcelino B. Mandap inyang March 19, 1991 king San Jose Parish, San Jose City of San Fernando, Pampanga. Kinumpil na ne mang Rev. Msgr. Constancio R. Panlilio inyang March 12, 2001 king mesabi mu namang Parokya.
Megaral yang elementarya king Del Pilar Elementary School, City of San Fernando, Pampanga (1997-2003) at sekundarya king Pampanga High School (2003-2007). Kayari nang megaral sekundarya kinangwa yang Bachelor of Science in Accountancy king DATA College of Pampanga, Sto. Nino, City of San Fernando, Pampanga at meyari ya kanitang 2011.
Kaibat mekipagobra ya king Angelina Sanchez & Ligaya David Company Accounting Firm anting staff (May, 2011-October, 2011). Inyang May 27, 2012, linub ya king San Carlos Seminary, San Carlos Pastoral Formation Complex, EDSA Guadalupe Viejo, Makati City. Kayari ning pabanua king Theology formation, menyauad yang regency. Kilub ning adwang (2) banua kilual, megobra ya king Holy Angel University king Angeles City (June 21, 2016-March 31, 2018) at meg apostolate ya balang Dominggo kareng katutubong Aeta ning Katutubo Village, Planas, Porac. Banuang 2018, megdesisyun yang magbalik seminaryu ban isundu at arian ing keyang Theology formation king San Carlos Seminary Graduate School of Theology, Makati City, nung nukarin ayari ne ing Theology formation at Master of Arts in Pastoral Ministry kanitang 2022.
Kayari ning pamagaral na king seminaryu, megdatun at minantabe ya kaku (Arsobispu) karin king Arzobizpado de Pampanga (Chancery) at inordinan ken Diyakono king Mother of Good Counsel Seminary Unisite Subd., Del Pilar, City of San Fernando, Pampanga iniang Disyembre 01, 2022. Manibat iniang Disyembre 09, 2022 angga na king kasalungsungan, iya ing resident deacon ning Bahay Pag-Ibig at Munting Tahanan ning Nazareth.
King daratang a Junio 08, 2023, Huwebes, alas nueve ning abak (9:00 A.M.), mi-ordinan yang Pari king San Vicente Ferrer Parish, Calulut City of San Fernando, Pampanga.
REV. KRISTIAN REI DE DIOS CAYANAN
I Reberendo Kristian Rei De Dios Cayanan ibat ya king San Guillermo Parish, Cabambangan, Bacolor, Pampanga. Anak de ri Mr. Renato Layug Cayanan at Mrs. Paula Aguilar De Dios. Mibait ya inyang Mayo 27, 1996. Kasalukuyang manuknangan king Parulog, Bacolor, Pampanga at Sta. Ursula, Betis, Guagua, Pampanga. Bininyag neng Rev. Fr. Adrian P. Paule inyang Agosto 25, 1996 king San Roque Dau 1, Lubao, Pampanga. Kinumpil na ne mang Most Rev. Paciano B. Aniceto, D.D. inyang Junio 11, 2005 king mesabi mu namang parokya.
Megaral yang elementarya king Saint Augustine Academy of Pampanga, Floridablanca, Pampanga (2002-2003) at Wenceslao Elementary School, Wenceslao Resettlement, San Roque Dau 1, Lubao, Pampanga (2003-2008). Megaral nemang sekundarya king Don Honorio Ventura Technological State University, Bacolor, Pampanga (2008-2012).
Kayari nang megaral sekundarya, linub ya king Mother of Good Counsel Seminary, Unisite Subdivision, Del Pilar, City of San Fernando, Pampanga anting Junior king Pre-College Formation Year angga nang mayari ya king College formation at Bachelor of Arts in Philosophy kanitang 2017. Kaibat, midinan yang pabanwang regency at karin megobra ya anting metung a talaturu king Infant Jesus Academy king Pilar Village at Colegio de Sebastian, City of San Fernando, Pampanga. Kayagnan na nita, kinangwa yang units methods of teaching king DHVSU at mipasar king License Examination for Professional Teacher kanitang 2018.
Kaibat, mibalik at sindu ne ing keyang pamagaral king Graduate School of Theology ning Mother of Good Counsel Seminary nung nukarin ayari ne ing keyang Theology formation, Master of Arts in Pastoral Ministry (MPM) kanitang 2021 at Master of Arts in Theology (MAT) kanitang 2022.
Kayari ning pamagaral na king seminaryu, migdatun at minantabe ya kaku (Arsobispu) karin king Arzobizpado de Pampanga (Chancery) inordinan keng Diyakono king Mother of Good Counsel Seminary, Unisite Subd., Del Pilar, City of San Fernando, Pampanga iniang Disyembre 01, 2022. Manibat iniang Disyembre 09, 2022 angga na king kasalukuyan, iya ing kanakung personal a sekretarya (Secretary to the Archbishop).
King daratang a Junio 12, 2023, Lunes, alas tres y media ning gatpanapun (3:30 P.M.), mi-ordinan yang Pari king San Guillermo Parish, Bacolor, Pampanga.
Archbishop Florentino Lavarias requests the proclamation of these banns from May 07 to May 21, 2023 to the effect that if there’s anyone in the Parish Communities who have reasons to object to the ordination, he/she may communicate it to the parish priests or the Archbishop. The proclamation could be done during the Misa Mayor of the day.
